Sport24.az
Azərbaycan millisinin futbolçusu Mahir Emreli II Bundesliqanın sonuncu turunda "Ayntraxt" (Braunşveyq) klubu ilə matçı buraxa bilər. Sport24.az oyunçunun çıxış etdiyi "Nürnberq"in rəsmi saytına istinadən xəbər verir ki, 27 yaşlı hücumçu komanda ilə məşqlərə qatılmayıb.
Forvardın fərdi şəkildə məşq etdiyi yazılıb.
Qeyd edək ki, azərbaycanlı oyunçunun "Nürnberq"lə müqaviləsi mövsümün sonunda başa çatacaq. Daha əvvəl II Bundesliqa təmsilçisi Emreli ilə yeni sözləşmə bağlamayacaqlarını açıqlayıb.
