Idman.biz
"Mahir Emreli ilə bağlı qərarımızı çoxdan vermişik. Bu fikirdən dönməyəcəyik".
İdman.biz xəbər verir ki, bunu Almaniyanın "Nürnberq" klubunun baş məşqçisi Miroslav Kloze deyib.
II Bundesliqa təmsilçisinin çalışdırıcısı Azərbaycan millisinin futbolçusu Mahir Emreli ilə müqaviləsinin uzadılmaması barədə qərarın dəyişməyəcəyini qeyd edib: "Mənim üçün həmişə futbolçunun kompleks şəkildəki durumu önəmlidir. Biz onun hansı böyük klublarda oynadığını, yüksək liqalarda nələr qazandığını bilirik. O, komandamıza gəlmək, mənimlə çalışmaq istədiyini dedi. Nə qədər əziyyət çəksək də, etiraf edək ki, birgə çalışmağa davam etməyə şansımız yox idi. Amma bu aramızdakı münasibətləri pozmur".
II Bundesliqanın son turunda het-trik edən Emreli isə "Ayntraxt"la matçdakı (4:1) oyununa toxunub: "Bəzi futbolçular transfer dövrü ərəfəsində risk etməmək üçün son matçda oynamırdılar. Amma məndə mentalitet fərqlidir. Düşünürəm ki, pul və sevgi aldığın yerdə həmişə gücünü tam qoymalısan. Təkcə, mən deyil, ailəm, anam da, hamımız bu şəhəri stadionu, atmosferi, azarkeşləri sevdik. Biz Nürnberq üçün həmişə darıxacağıq".
Qeyd edək ki, "Nürnberq"lə Emreli yayda başa çatan müqaviləni uzatmamaq barədə razılıq əldə edib.
İdman.biz
