Sport24.az
Mahir Emrelinin çıxış etdiyi "Nürnberq" klubu mövsümün sonunda futbolçular üçün tədbir təşkil edəcək. Sport24.az xəbər verir ki, bu barədə "Bild" nəşri məlumat yayıb.
Komanda üzvləri bu gün II Bundesliqanın sonuncu turunda "Ayntraxt" (Braunşveyq) komandası ilə matçdan sonra İspaniyanın Malyorka şəhərinə yollanacaq. Oyunçular çərşənbə gününüdək burada əylənəcəklər. Bu, müqavilələri bitən bəzi futbolçular üçün vida tədbiri olacaq.
Lakin Mahir Emreli və Yanis Antistenin bu tədbirə qatılmayacağı yazılıb.
Qeyd edək ki, Mahir Emrelinin mövsümün sonunda "Nürnberq"dən ayrılacağı dəqiqləşib. Klub onun başa çatan müqaviləsini yeniləməyəcəklərini açıqlamışdı.
