Sport24.az
Almaniyanın "Nürnberq" klubunda çıxış edən Azərbaycan millisinin futbolçusu Mahir Emrelinin komanda yoldaşları ilə münasibətləri yaxşı deyil. Sport24.az xəbər verir ki, bu barədə "90min.de" nəşri "Bild"ə istinadən məlumat yayıb.
İddiaya görə, hücumçunun hərəkətləri kollektiv içində çoxlu narazlıqlar yaradıb.
Forvard komanda yoldaşları ilə münasibətlərinin gərgin olduğu yazılıb: "Emreli tez-tez nalayiq sözlər işlədir. Bu təxminən iki həftə əvvəl, "Şalke" ilə matçdan sonra da baş verib. Məşqdə Florian Flikin kobud oyunundan sonra Emreli əsəbiləşib və komanda yoldaşını təhqir edib. Bu səbəbdən məşq bir neçə dəqiqə yarımçıq qalıb. Deyilənə görə məşqçilər onu sakitləşdirə bilib. Halbuki oyunçu noyabrın əvvəlindən qol vura bilmir".
Qeyd edək ki, Mahir Emrelinin II Bundesliqa təmsilçisi ilə müqaviləsinin müddəti yayda başa çatır.
