Sport24.az
Almaniyanın "Club fokus" portalı "Nürnberq"də çıxış edən Azərbaycan millisinin futbolçusu Mahir Emrelinin statistik göstəricilərini açıqlayıb. Sport24.az xəbər verir ki, nəşr 27 yaşlı hücumçunun son üç matçdakı çıxışına toxunub.
Forvardın 29-cu turdan sonra liqada 4 qol vurduğu və bunun komanda yoldaşları arasında ən yaxşısı olduğu vurğulanıb. Bu səbəbdən ən yüksək effektivlik də məhz Emreliyə məxsusdur.
Bundan əlavə, azərbaycanlı oyunçu "Nürnberq"in hücumçuları arasında mövsüm ərzində ən yaxşı ötürmə dərəcəsinə sahibdir. Üç matçda 31 km məsafə qət edən Emreli ən 29-cu turdan sonra ən çox sprint (63) edən futbolçudur.
Qeyd edək ki, mövsümün əvvəlindən "Nürnberq"də çıxış edən Mahir Emreli II Bundesliqada 7, ölkə kubokunda 1 qola imza atıb.
