Sport24.az
"Kəpəz"in futbolçusu Mahamadu Banın Sport24.az-a müsahibəsi.
- Misli Premyer Liqasının 23-cü turunda evdə "Şamaxı" ilə oyunda bir xal qazandınız. Oyunu necə şərh edərdiniz?
- Oyuna 3 xal üçün çıxmışdıq. Matçın sonu 1:1 hesabı ilə bitsə də, bir xalı bizim üçün yaxşı sayıram.
- Son oyunlarda yaxşı çıxış edirdin. Bu oyunda sanki bir qədər kölgədə qaldınız...
- Mən bütün oyunlara eyni istəklə çıxıram. "Şamaxı"ya qarşı bacardığımın ən yaxşısını etdim.
- "Kəpəz" Premyer Liqada qalmaq uğrunda mübarizə aparır. Bu yolda özünüzə rəqib hansı klubu görürsünüz?
- Bütün oyunlar bizim üçün önəmlidir. Biz inanırıq ki, komandamız Premyer Liqada qalacaq. Rəqiblərimizin eyni səviyyədədir.
- Türkiyədən ölkəmizə gəlmisən. Gəncədə özünü necə hiss edirsiz?
- Hər bir futbolçu yeni ölkəyə gedəndə adaptasiya çətin olur. "Kəpəz"də olduğum üçün xoşbəxtəm. Gəncədə hamı mehriban insanlardır. Bura mənim öz evim kimidir.
- Yayda müqavilən başa çatır. Klubdan təklif olsa, yeni imza atacaqsınız?
- Müqaviləm bitəndə klubdan təklif olsa, niyə də olmasın? Bu məsələyə mövsümün sonunda baxarıq.
