Idman.biz
Bu gün Nyu Cersi ştatının East Rutherford şəhərində klublararası dünya çempionatının yarımfinalı çərçivəsində PSJ ilə qarşılaşacaq Madrid "Real"ı çətinliklə üzləşib.
"Kral klubu"nun təyyarəsi Nyuark aeroportuna planlaşdırıldığından bir saat gec enə bilib.
"Real" oyuna Mayamidən yola düşüb. Üstəlik fırtına səbəbindən komandanın olduğu təyyarə havaya da bir saat gec qalxıb.
Uçuş-enmə zolağındakı sıxlıq "Real"ın təyyarəsini daha bir saat Virciniya hava məkanında qalaraq enişini gözləməyə məcbur edib. Deyilənə görə, hətta FIFA-nın müdaxiləsi ilə proses bir qədər tezləşib.
Nəticədə komandanın baş məşqçisi Xabi Alonsonun oyundan əvvəl mətbuat konfransı da ləğv olunub.
Qeyd edək ki, "Real" - PSJ qarşılaşması Bakı vaxtilə saat 23:00-da başlayacaq.
İdman.biz
