Idman.biz
Portuqaliyanın Madeyra adasında Kriştianu Ronalduya həsr olunmuş heykəl vandal hücumuna məruz qalıb. Hadisə Ronaldu muzeyinin yerləşdiyi ərazidə baş verib.
İdman.Biz xəbər verir ki, naməlum şəxs heykəli yandıraraq vandalizm aktını mobil telefonla lentə alıb. Daha sonra o, ABŞ-li reper Bobbi Şmurdanın "Bobby Bitch" mahnısı sədaları altında heykəlin qarşısında rəqs edərək görüntüləri sosial şəbəkələrdə paylaşıb.
Məlumata görə, polis qısa müddət ərzində hadisəni törədən şəxsin kimliyini müəyyənləşdirib və araşdırmalara başlanılıb. Hadisə Portuqaliya ictimaiyyətində və futbol ictimasında ciddi narazılıq doğurub.
Qeyd edək ki, Madeyra adası Kriştianu Ronalduyun doğulduğu yer hesab olunur və burada yerləşən CR7 muzeyi dünyanın müxtəlif ölkələrindən gələn azarkeşlərin əsas ziyarət məkanlarından biridir.
