Idman.biz
Cənubi Amerikanın futbol azarkeşi Libertadores Kubokunun finalından sonra Peruya səyahət edən zaman Maçu-Piçuda yaşadığı təəccüblü anı qeydə alıb.
İdman.Biz xəbər verir ki, o, təxminən 5000 metr yüksəklikdə yerləşən dağ zirvəsinə çatanda heç kimin yaşamadığı bu ərazidə qurulmuş futbol meydanı ilə qarşılaşıb və mənzərənin heyranedici olduğunu bildirib.
Azarkeş gördüyü mənzərəni belə təsvir edib:
"Burada demək olar ki, heç kim yaşamır, amma yenə də insanlar futbol oynayır! Bu, gördüyüm ən gözəl meydandır. Düşünürəm ki, futbolun həyatımızda oynadığı nəhəng rolu çox vaxt dəyərləndirmirik."
Qeyd edək ki, Azərbaycanın "Sabah" futbol komandasının baş məşqçisi Valdas Dambrauskas da bir müddət öncə oxşar paylaşım etmişdi. O, Şahdağa qalxarkən 2000 metr yüksəklikdəki futbol meydançasının görüb təəccüblənmişdi.
