İdman.biz
"Bizi çətin oyun gözləyir".
İdman.biz xəbər verir ki, bunu qadın futbolçulardan ibarət Macarıstan millisinin baş məşqçisi Aleksandra Sarvaş deyib.
Bu gün Avropa çempionatının seçmə mərhələsində Azərbaycanla qarşılaşacaq mütəxəssis oyunu şərh edib. O bildirib ki, matça maksimum ciddi yanaşacaqlar: "Azərbaycana qarşı ilk görüşdə yaxşı çıxış etdik və bütün mövqelərdə oyuna nəzarət edirdik. Amma qol imkanlarından cəmi 1 dəfə yararlana bildik. Bakıdakı oyunda qələbə qazanmaq üçün futbolçular bütün bacarıqlarını ortaya qoymalıdırlar. Hiss edirəm ki, ilk matçlarla müqayisədə komandam çox artırıb. İsveçrəni məğlub etdiyimiz görüşdə bunun şahidi olduq. Həmin performansı qarşıdakı oyunlarda da nümayiş etdirəcəyik".
Qeyd edək ki, Azərbaycan – Macarıstan matçı bu gün saat 20:00-da "Liv Bona Dea Arena"da keçiriləcək.
İdman.biz
