Lent.az
"Mançester Yunayted"in və İngiltərə millisinin müdafiəçisi Lyuk Şou müqaviləsinin davam etməsinə baxmayaraq, klubdan ayrılmağı düşünür.
Lent.az xəbər verir ki, Səudiyyə Ərəbistanının bir neçə klubu 29 yaşlı futbolçu ilə maraqlanır və o da danışıqlara açıqdır.
Ötən mövsüm onun üçün asan olmayıb: baldırından aldığı zədə səbəbindən Şou cəmi 12 oyunda iştirak edib və əsas oyunçu statusunu itirib. Mövsümöncəsi turda və Avropa Liqasının finalında iştirak etməsinə baxmayaraq, futbolçu yeni mövsümün əvvəlində ehtiyat oyunçular skamyasında qalmaq riski ilə üzləşir.
Şou hələ də soyunub-geyinmə otağında vacib fiqur sayılır, lakin qış transfer pəncərəsində ayrılacağını istisna etməyib. Əgər o, bunu etmək qərarına gəlsə, "Yunayted"ə zədələr və yüksək maaşlar çətin ki, mane olsun.
Transfermarkt portalında verilən məlumata görə, ingilis müdafiəçinin bazar dəyəri 12 milyon avrodur.
