Idman.biz
Romelu Lukaku son dövlərdə futbolçuların fiziki yüklənməsi ilə bağlı açıqlama verib.
İdman.biz xəbər verir ki, belçikalı hücumçu vəziyyətdən çıxış yolu kimi NBA variantını təklif edib.
"Məncə, futbolda da NBA sistemi inkişaf etməlidir. Orada da çox oyun keçirilir. Futbolçular hər matçda 15 km-ə yaxın qaçırlar və bu intesivlik fiziki cəhətdən çox yorucudur. Buna görə də, daha çox istirahət lazımdır. NBA-da olduğu kimi mövsümün sonunda hamıya 6 həftə məcburi istirahət verilsin. Daha sonra oyunlara hazırlıq üçün üçün 4 həftə vaxt ayrılsın FIFPro oyunçuların maraqlarını qoruyur, amma mən həqiqətən heç kimi tanımıram ki, bu barədə futbolçuların fikrini soruşsun", - deyə Lukaku müsahibəsində bildirib.
Qeyd edək ki, son dövrdə futbolçular fiziki yüklənmə üzündən ciddi zədələrlə üzləşirlər. Onlar bununla bağlı həmrəylik nümayiş etdirib, etiraz səslərini ucaltmaq istəyindədirlər.
İdman.biz
