Idman.biz
"Napoli"nin və belçikalı forvard Romelu Lukaku ona mərhum atasının cəsədini Avropaya gətirməyə mane olunduğunu bildirib.
İdman.Biz-in məlumatına görə, bu barədə futbolçu "Instagram" səhifəsində paylaşım edib.
"Məndən və qardaşımdan bir mesaj.
Bildiyiniz kimi, biz bu cümə dəfn mərasimini keçirməyi planlaşdırmışdıq, lakin Kinşasada verilən müəyyən qərarlara görə, dəfn Belçikada keçirilməyəcək.
Sentyabrın 28-də atamız dünyasını dəyişdi, onun cənazəsini Belçikaya gətirmək üçün əlimizdən gələni etdik, amma hiss etdik ki, bəzi ailə üzvləri bizdən pul qoparmağa çalışırlar... Atamız bu gün yanımızda olsaydı, buna imkan verməzdi!
Atamızı düzgün yola sala bilməməyimiz bizi çox ağrıdır, lakin bəzi insanlar bunun baş verməsini istəmirdilər.
Atamızın bizi bəzi ailə üzvlərindən niyə uzaqlaşdırdığını indi anladıq...
Ruhu şad olsun", - forvard yazıb.
Rocer Lukaku 58 yaşında vəfat edib. O, Zair (indiki Konqo DR) yığmasında 5 oyunda çıxış edib və bir qol vurub.
