Sport24.az
"Real"ın və Xorvatiya millisinin yarımmüdafiəçisi Luka Modriç qazandığı çoxsaylı kuboklardan hansını ən dəyərli hesab etdiyini bildirib. Sport24.az xəbər verir xorvatiyalı futbolçu "Madrid Xtra"-ya açıqlamasında bunları deyib:
"Məni ən çox maraqlandıran fərdi yox, komandanın qazandığı kuboklarıdır. Ən qürur duyduğum birini seçməli olsaydım, bu, 2014-cü il UEFA Çempionlar Liqası olardı. Həmin turnir komanda, bütün klub və azarkeşlər üçün həqiqətən də xüsusi idi. Bu, "Real"ın Çempionlar Liqasındakı 10-cu qələbəsi idi və 10 ən çox sevdiyim rəqəmdir".
39 yaşlı yarımmüdafiəçi bu yay "Real" tarixinin ən titullu oyunçusu olub. Belə ki, o, bu komanda ilə 27 kubok qazanıb.
