Sport24.az
"Milan"la ortaq məxrəcə gələn "Real"ın yarımmüdafiəçisi Luka Modriç klublararası dünya çempionatından sonra tibbi müayinədən keçəcək. Sport24.az xəbər verir ki, bu barədə insayder Fabrisio Romano X sosial şəbəkəsində (keçmiş Twitter) məlumat yayıb:
"Dünya çempionatı yekunlaşmayana qədər heç bir imza və ya rəsmi addım atılmayacaq. Modriç ancaq "Real"ın oyununa köklənmək istəyir".
Qeyd edək ki, bir müddət əvvəl 39 yaşlı futbolçunun "Milan"la 2026-cı ilin yayına qədər müqavilə imzalayacağı bildirilirdi. Klublararası dünya çempionatı iyunun 15-dən iyulun 13-dək ABŞ-da keçiriləcək.
