Report.az
Xorvatiyalı futbolçu Luka Modriç daha bir mövsüm İspaniyanın "Real" klubunda qalmaq istəyir.
"Report" xəbər verir ki, bu barədə AS nəşri məlumat yayıb.
39 yaşlı yarımmüdafiəçi az forma şansı qazansa da, Madrid təmsilçisində özünü xoşbəxt hiss edir. O, 2026-cı ildə keçiriləcək dünya çempionatında da iştirak etmək niyyətindədir.
Qeyd edək ki, Luka Modriçin klubla hazırkı müqaviləsinin müddəti iyunun 30-da başa çatacaq. 2012-ci ildən "Real"ın formasını geyinən oyunçu 569 oyuna 42 qol və 92 məhsuldar ötürmə ilə yadda qalıb.
