Idman.biz
Bu il dünyanın ən yaxşı futbol məşqçisi mükafatına ən layiq namizəd bəllidir.
İdman.biz xəbər verir ki, Luis Enrike bir təqvim ili ərzində 5 kubok qazanıb və bu onun məşqçilik karyerasında ikinci belə haldır.
İspaniyalı mütəxəssis 2015-ci ildə "Barselona" ilə La Liqa, İspaniya kuboku, Çempionlar Liqası, UEFA Superkuboku, FIFA klubların dünya çempionatının qalibi olub.
Luis Enrike 2025-ci ildə PSJ ilə də Çempionlar trofeyi, Liqa 1, Fransa kuboku, Çempionlar Liqası və son olaraq da UEFA Superkubokunu qazanıb. Əgər Paris klubu dekabrda Qitələrarası kubokunun qalibi olsa, kubokların sayı 6-ya çatacaq.
Luis Enrike həmçinin UEFA Superkubokunu iki və ya daha çox fərqli klubla qazanan beşinci məşqçi olub. Ondan əvvəl bunu Aleks Fergüson ("Aberdin" 1983, "Mançester Yunayted" 1991), Lui van Qal ("Ayaks" 1995, "Barselona" 1997), Pep Qvardiola ("Barselona" 2009, 2011, "Bavariya" 2013, "Mançester Siti" 2023), Karlo Ançelotti ("Milan" 2003, 2007, "Real Madrid" 2014, 2022, 2024) bacarıb.
PSJ həmçinin Luis Enrikenin rəhbərli ilə hər hansı turnirdə 84-cü dəqiqədə 2 top fərqilə geridə olduğu bir oyunda geridönüş edib ki, bu da son 20 ildə ilk dəfə olub. Sonuncu dəfə bu hal 2005-ci ilin mayında "Soşo" ilə 2:2 hesabı ilə bitən oyunda baş verib - 88-ci dəqiqədə Arman, 89-cu dəqiqədə Yepes fərqlənərək komandalarını məğlubiyyətdən xilas ediblər.
PSJ-nin UEFA Superkubokunu qazandığı oyunla bağlı yalnız bir mənfi məqam var. Paris təmsilçisi birinci hissədə "Tottenhem"in qapısı çərçivəsinə dəqiq bir zərbə vura bilməyib ki, bu, komandanın Luis Enrikenin rəhbərliyi altında keçirdiyi 119 oyunda yalnız 5-ci dəfə baş verib.
İdman.biz
