Qol.az
"Belə matçlarda emosiyalar yüksək səviyyədə olur. Ona görə də təhlil aparmaq çətindir".
QOL.az xəbər verir ki, bu sözləri PSJ-nin baş məşqçisi Luis Enrike Çempionlar Liqasının yarımfinalında "Arsenal"la keçirilən ilk görüşdən sonra mətbuat konfransında deyib.
İspaniyalı mütəxəssis Londonda 1:0 hesabı ilə qalib gəldikləri matçı belə şərh edib: "Stadionda əla atmosfer var idi. Amma biz necə komanda olduğumuzu göstərdik. Komanda ruhu nümayiş etdirdik. PSJ-də belə bir ruhun olması çox gözəldir. Biz öz üslubumuzla oynadıq, çalışdıq və matçın əvvəlində qol vurduq ki, bu da inamımız üçün vacib idi. Bəzən çətin anlar da yaşadıq. Amma bizim də üstün olduğumuz vaxtlar oldu. Hətta ikinci qolu da vura bilərdik".
Xatırladaq ki, komandalar arasında cavab oyunu mayın 7-də Parisdə keçiriləcək.
