Sport24.az
PSJ-nin baş məşqçisi Luis Enrike Çempionlar Liqasının finalında üz-üzə gələcəkləri "İnter"lə oyundan gözləntilərini bölüşüb. Sport24.az UEFA-nın saytına istinadən xəbər verir ki, ispaniyalı mütəxəssis Paris komandasının növbəti onillikdə bir neçə dəfə turnirin qalibi olacağını bildirib:
"Düşünürəm ki, bu komanda və oyunçular bu finala layiqdirlər. PSJ azarkeşləri və klub Çempionlar Liqasını qazanmağa layiqdirlər. Biz bunu bacaracağıq. Bunun mayın 31-də baş verib-verməyəcəyini bilmirəm, amma əminəm ki, PSJ qarşıdakı onillikdə bir neçə dəfə Çempionlar Liqasını qazanacaq. Bu komandanın baş məşqçisi olmasaydım da belə bu sözləri deyərdim.
Məni ən çox həvəsləndirən PSJ ilə tarix yazmaq istəyidir, ona görə də bura gəldim. Birinci həmişə ən çətindir. Bu, İspaniyanın ilk Dünya Kuboku tituluna bənzəyir. Kimsə qapını açıb "biz bunu edə bilərik! Biz bunu bacarsaq, bizdən sonrakı nəsil də bunu bacaracaq" deməlidir"
Qeyd edək ki, PSJ – "İnter" oyunu mayın 31-də Münhendə"Arena Münhen" stadionunda baş tutacaq. Qarşılaşmanın start fiti Bakı vaxtı ilə saat 23:00-da səslənəcək.
