Idman.biz
"PSJ"nin baş məşqçisi Luis Enrike Paris klubu ilə Fransa millisi arasında yaşanan gərginliklə bağlı sualı cavablandırıb.
İdman.biz bildirir ki, daha əvvəl Fransa nəhəngi hücumçular Usman Dembele və Dezire Due üçün icazə verilən yüklə bağlı klubun tövsiyələrinə məhəl qoymayan "üçrənglilər"dən narazılığını bildirib. Hər iki futbolçu millinin düşərgəsində olarkən zədələnib.
"Burada deyə biləcəyim istənilən söz zədəli futbolçuların sağlamlığını yaxşılaşdırmayacaq. Bu, ən vacibi. Bizim diqqətimiz hələ də onların sağalmasına yönəlib.
Didye Deşamdan (Fransa millisinin məşqçisi. – red) nə istəyirəm? Zədəli futbolçulardan narahatam. Biz onların sağlamlığına diqqət yetirməyə davam edirik. Əlavə edəcəyim heç nə yoxdur", - RMC Sport Enrikenin sözlərindən sitat gətirir.
İdman.biz
