Sport24.az
UEFA "Bavariya"nın futbolçusu Luis Diasın 3 oyunluq cəzasını azaldıb. Sport24.az xəbər verir ki, bu barədə ali futbol qurumunun mətbuat xidməti məlumat yayıb.
Kolumbiyalı vingerin cəzası 2-yə endirilib. 28 yaşlı oyunçu Çempionlar Liqası Liqa mərhələsinin 4-cü turunun PSJ ilə matçında qırmızı vərəqə aldığı üçün diskvalifikasiya olunmuşdu. Təcrübəli futbolçu sərt müdaxilədən sonra Əşrəf Hakimini ağır zədələmişdi.
Qeyd edək ki, "Bavariya" Luis Diası mövsümün əvvəlində "Liverpul"dan 70 milyon avroya transfer edib. Kolumbiya millisinin üzvü Münhen təmsilçisinin heyətində meydana çıxdığı 20 rəsmi matçda 12 qol və 6 məhsuldar ötürmə ilə yadda qalıb.
