Sport24.az
"Liverpul"un hücumçusu Luis Dias klub rəhbərliyindən onu "Bavariya"ya buraxmağı xahiş edib. Sport24.az xəbər verir ki, bu barədə insayder Pipe Sierra X sosial şəbəkəsində paylaşım edib.
Mənbənin məlumatına görə, 28 yaşlı kolumbiyalı "Liverpul"dan müqavilənin uzadılması ilə bağlı heç bir təklif gəlmədiyi üçün Münhen klubuna transferə razılıq istəyi ilə klub rəhbərliyinə müraciət edib.
Qeyd edək ki, Dias 2024/25 mövsümündə "Liverpul"un heyətində bütün turnirlərdə 50 oyun keçirib, 17 qol vurub və 8 məhsuldar ötürmə verib.
