Sport24.az
İspaniya millisinin baş məşqçisi Luis de la Fuente bu il "Qızıl top"un verilməsi ilə bağlı açıqlama verib. Sport24.az "Marca"ya istinadən xəbər verir ki, mütəxəssisə "Barselona"nın və İspaniya millisinin futbolçuları Pedri və Lamin Yamalın şansları barədə sual verilib:
"Mükafatın ispaniyalı futbolçuya verilməsini istərdim. Onların hər ikisi çox yaxşıdır. Mənim onlara xüsusi rəğbətim var. Çünki hər ikisi rəhbərliyim altında debüt ediblər: Lamin əsas millidə, Pedri isə gənclər yığmasında".
Qeyd edək ki, Yamal ötən mövsüm bütün turnirlərdə 55 matçda iştirak edib, 18 qol vurub və 25 məhsuldar ötürmə edib. Pedri isə 59 matçda meydana çıxıb, 6 qol vurub və 8 məhsuldar ötürmə edib.
