Idman.biz
İspaniya millisinin baş məşqçisi Luis de la Fuente "Barselona"nın çalışdırıcısı Hans-Diter Flikin Yamalla bağlı narazılığına maraqlı reaksiya verib.
İdman.biz bildirir ki, Flik sağlamlıqla bağlı narahatlığına baxmayaraq, sentyabrda milli komandanın öz oyunlarında Lamin Yamaldan istifadə etməsindən narazılığını bildirmişdi.
"Bu gün və burada, Flikin nə dediyini xatırlamıram və bu, məni maraqlandırmır", - baş məşqçi deyib.
Yamalın İspaniya millisinin düşərgəsindən qayıtmasından sonra "Barselona" 18 yaşlı hücumçunun qasıq nahiyəsindən zədə aldığını açıqlayıb. Yamal bu mövsüm La Liqada üç matçda meydana çıxıb, iki qol vurub və üç məhsuldar ötürmə edib.
