"Çelsi" heyətinə yeni forvard qatıb. Sport24.az xəbər verir ki, söhbət London klubunun öz yetirməsi Tirik Corcdan gedir.
"Zadəganlar" 18 yaşlı hücumçu ilə "3+1" şərti ilə yeni müqavilə imzalayıb.
Qeyd edək ki, 8 yaşından London klubunun akademiyasında olan futbolçu ötən mövsüm əsas komandanın məşqlərinə cəlb olunsa da, meydana çıxmayıb. Onu icarəyə götürmək istəyənlər olsa da, "Çelsi" rəhbərliyi forvarda görə aldığı təklifləri geri çevirib.