Report.az
Meksikanın qadınlardan ibarət millisinin futbolçusu Lizbet Ovalle rekord məbləğ qarşılığında ölkəsinin "Tiqres" klubundan Amerika təmsilçisi "Orlando Prayd"a transfer olunub.
"Report" "BBC"-yə istinadən xəbər verir ki, keçidin məbləği 1,5 milyon dollar təşkil edib və bu, qadın futbolu tarixində ən bahalı transfer olub.
Əvvəlki rekord iyul ayında kanadalı Oliviya Smitin "Liverpul"dan "Arsenal" (hər ikisi İngiltərə) klubuna 1,3 milyon dollara keçməsi ilə qeydə alınıb.
