"Liverpul"un 300 milyonluq transfer xərcləri maliyyə qaydalarını pozmur?

"Liverpul" artıq bu transfer pəncərəsində bir sıra bahalı transferlər edib. 

Lent.az xarici mediaya istinadla məlumat verir ki, kluba Kerkez ("Bornmut"), Frimponq, Virts (hər ikisi "Bayer"dən) və Yuqo Ekitiike gəlib. 

İngiltərə klubunun xərclədiyi ümumi məbləğ demək olar ki, 300 milyon funt sterlinqdir. Onların UEFA maliyyə fley-pley qaydaları ilə heç bir problemi olmayacaq?

Xatırlatmaq lazımdır ki, Premyer Liqanın daxili gəlirlilik və davamlılıq qaydaları (PSR) var və liqadakı əksər klublar bundan əziyyət çəkir. Onlar üç il ərzində komanda itkilərini 105 milyon funt-sterlinqlə məhdudlaşdırırlar, əks halda cəza olacaq. "Nottinqem Forest" və "Everton" artıq bunu hiss ediblər – xalları silinib.

Ancaq "Liverpul" azarkeşlərinin narahat olacağı heç bir şey yoxdur.

"TBR Football"a görə, klub heç bir borc götürməməsinə baxmayaraq, "Fenway Sports Group"dan (FSG) bu ay başa çatmalı olan 350 milyon funt sterlinqlik dönər kredit vəsaitini 50 milyon funt-sterlinq uzatmasından faydalanıb.

Nəzəri olaraq, "Liverpul"un PSR qaydalarına əsasən xərcləmək üçün əlavə 90 milyon funt-sterlinq pulu var.

"Liverpul" İsaka ilə astronomik 150 milyon funt-sterlinq qarşılığında müqavilə imzalasa belə, bu ödəniş beş il ərzində amortizasiya olunacaq, yəni bu il kluba yalnız 30 milyon funt-sterlinqə başa gələcək.

Üstəlik, "qırmızılar" son illər transfer bazarında kifayət qədər ehtiyatlı davranıb, balansı qoruyub saxlayıb və ya ümumiyyətlə, çox futbolçu almayıb. Üstəlik, "Liverpul"un yaxın gələcəkdə tərk edə biləcək bir neçə bahalı aktivi var - Luis Dias və Darvin Nunes.