Idman.biz
"Liverpul" klubu baş məşqçi Arne Slotla yolları ayırmaq ərəfəsindədir və postla bağlı planlar çərçivəsində Xabi Alonsonun ətrafı ilə əlaqə saxlayıb.
İdman.Biz AS nəşrinə istinadən xəbər verir ki, mersisayd təmsilçisi ispan mütəxəssisə komandanın sükanı arxasında onu görmək istədiyini çatdırıb.
Məlumata görə, Alonso yenidən işə qayıtmağa hazırdır, lakin ona təqdim olunan ilk təkliflə dərhal razılaşmaq niyyətində deyil.
Bildirilir ki, 42 yaşlı məşqçi gələcək karyerası ilə bağlı qərar verərkən layihənin idman baxımından perspektivlərini və uzunmüddətli planlarını əsas meyar kimi götürür. Bu səbəbdən Alonso bütün variantları diqqətlə dəyərləndirmək istəyir.
Qeyd edək ki, Xabi Alonso futbolçu karyerasında 2004-2009-cu illər ərzində "Liverpul"un formasını geyinib.
