Lent.az
İspaniyalı qapıçı Pepe Reyna futbolçu karyerasını başa vurduğunu açıqlayıb.
Lent.az xarici mediaya istinadla bildirir ki, bu barədə futbolçunun özü məlumat verib.
Qapıçı etiraf edib ki, Jan Byute "Komo"ya gələndən sonra özünü kənarda qalmış hiss edib.
"Yanvarda kluba yeni qapıçı gəldi və özümü kənarda hiss etdim. Bu zaman həyat yoldaşıma dedim ki, "Məncə, karyeranı baş vurma vaxtımdır".
Keçmişdə yaşadığım hər şeyi xatırlayanda özümü çox xoşbəxt hiss edirəm.
Son oyun? Özümü necə hiss edəcəyimi düşünməməyi üstün tuturam. Sonuncu dəfə meydançaya çıxmaq xüsusi bir an olacaq", - Reyna müsahibəsində deyib.
Məlum olduğu kimi, Pepe karyerası ərzində "Komo"dan başqa, "Latsio", "Milan", "Bavariya", "Liverpul" və İspaniya millisində çıxış edib.
