Idman.biz
"Real" klubunun vingeri Rodriqonun adı yenidən "Liverpul"un transfer planlarına düşüb.
İdman.Biz "Defensa Central" nəşrinə istinadla xəbər verir ki, mersisayd klubu 24 yaşlı braziliyalı üçün "Real"a 60 milyon avroya (120 milyon AZN) yaxın təklif göndərə bilər.
Qeyd olunur ki, bu məbləğ "Liverpul"un Rodriqo üçün əvvəl hazır olduğu rəqəmdən aşağıdır. Keçən yay futbolçuya maraq olsa da, rəsmi təklif təqdim edilməmişdi.
Cari mövsümdə Rodriqo bütün turnirlərdə 21 matçda iştirak edib, iki qol vurub və dörd məhsuldar ötürmə edib. Onun Madrid klubu ilə müqaviləsi 2028-ci ilin yayına qədər qüvvədədir. Transfermarkt portalının qiymətləndirməsinə görə, futbolçunun bazar dəyəri 60 milyon avrodur.
