Idman.biz
İngiltərə Premyer Liqasının 24-cü turunda "Liverpul" və "Nyukasl Yunayted" arasında matç başa çatıb. Mersisaydlılar oyunu 4:1 hesabı ilə qazanıblar. Qarşılaşma Liverpuldakı "Enfild" stadionunda keçirilib.
36-cı dəqiqədə Entoni Qordon hesabı açaraq qonaqlara üstünlük qazandırıb. 41-ci dəqiqədə Uqo Ekitike cavab qolunu vurub. 43-cü dəqiqədə Ekitike oyunda ikinci qolunu vurub. 67-ci dəqiqədə Florian Virts daha bir qola imza atıb. 90+3-cü dəqiqədə İbrahima Konate yekun hesabı müəyyən edib.
Bu oyundan sonra "Liverpul" İngiltərə Premyer Liqasının turnir cədvəlində 39 xalla beşinci yerdədir. "Nyukasl Yunayted" 33 xalla 10-cu yerdədir.
"Nyukasl Yunayted" UEFA Çempionlar Liqasının pley-off mərhələsində "Qarabağ"ın rəqibidir. Komandalar arasındakı oyunlar 17 və 24 fevral tarixlərində keçiriləcək.
"Liverpul" isə "Qarabağ"ın UEFA Çempionlar Liqasının əsas mərhələsində rəqibi olub. Komandalar arasında İngiltərədə keçirilən oyun 6:0 hesabı ilə "Liverpul"in xeyrinə başa çatıb.
00:21
"Çelsi" 2025/26 mövsümünün 24-cü turunda "Vest Hem Yunayted"i 3:2 hesabı ilə məğlub edib. Bu, "göylər"in baş məşqçi Liam Roseniorun rəhbərliyi altında ilk üç liqa oyununda üçüncü qələbəsi olub.
Qonaqlar ilk hissədə iki qol vurdular, qolları Jarrod Bouen və Krisensio Summerville vurdu. Ev sahibləri ikinci hissədə Joao Pedro və Mark Kukurelyanın qolları ilə hesabı bərabərləşdirdilər. Enzo Fernandesin son dəqiqələrdə vurduğu qol "göylər"in qələbəsini təmin etdi.
"Çelsi"nin hazırkı seriyasına "Brentford" (2:0) və "Kristal Palas" (3:1) ilə oyunlar da daxildir. Növbəti turda "göylər" fevralın 7-də səfərdə "Vulverhempton"la qarşılaşacaqlar.
Bu oyundan sonra "Çelsi" İngiltərə Premyer Liqasının turnir cədvəlində 40 xalla dördüncü yerdə, "Vest Hem" isə 20 xalla 18-ci yerdədir.
21:12
İngiltərə Premyer Liqasının 24-cü turunun "Lids Yunayted" və "Arsenal" komandaları arasında keçirilən oyun başa çatıb.
İdman.Biz bildirir ki, London komandası oyunu 4:0 hesabı ilə qazanıb. Oyun Lidsdəki "Elland Roud" stadionunda baş tutub.
Martin Subimendi 27-ci dəqiqədə hesabı açaraq qonaqları irəli çıxarıb. Karl Darlou 38-ci dəqiqədə öz qapısına qol vuraraq komandanın üstünlüyünü ikiqat artırıb. Viktor Gyökereş 69-cu dəqiqədə londonluların üçüncü qolunu vurub. Qabriel Jezus isə 86-cı dəqiqədə son nəticəni müəyyən edib.
Bu oyundan sonra "Lids Yunayted" 26 xalla Premyer Liqa turnir cədvəlində 16-cı yerdədir, "Arsenal" isə 53 xalla İngiltərə çempionatına liderlik edir.
İngiltərə Premyer Liqasında bu gün baş tutan digər oyunlarda "Brayton"la "Everton" heç-heçə oynayıb – 1:1, "Bornmut" isə səfərdə "Vulverhemton"a qalib gəlib – 2:0.
