Report.az
İngiltərənin "Liverpul" klubu Premyer Liqanın digər təmsilçisi "Nyukasl"ın hücumçusu Aleksandr İsakı transfer etmək istəyir.
"Report" "The Athletic"ə istinadən xəbər verir ki, mersisaydlılar İngiltərənin "Çelsi", "Arsenal" və İspaniyanın "Barselona" klublarının da hədəfində olan 25 yaşlı isveçlini heyətinə qatmağa çalışacaq.
Qeyd edək ki, A.İsak 2022-ci ilin avqustundan "Nyukasl"da çıxış edir. Forvard bu mövsüm bütün turnirlərdə meydana çıxdığı 31 oyunda 22 qol və 5 məhsuldar ötürmə ilə yadda qalıb. "Transfermarkt" onun dəyərini 75 milyon avro qiymətləndirir.
