Idman.biz
"Real Madrid"in yarımmüdafiəçisi Cud Bellingem son illərin ən yüksək səviyyəli transferlərindən birinin mərkəzində ola bilər.
İdman.Biz-in jurnalist Siro Lopezə istinadən verdiyi məlumata görə, "Liverpul" "Los Blancos"un yarımmüdafiəçisi ilə ciddi maraqlanır və onun transferi üçün təxminən 207 milyon avro ödəməyə hazırdır. Hazırkı İngiltərə çempionunun Bellingemi əsas heyətini gücləndirmək üçün nəzərdən keçirdiyi bildirilir.
Cud Bellingem 2023-cü ilin yayında "Borussiya Dortmund"dan 127 milyon avroya "Real Madrid"ə keçib. Onun Madrid klubu ilə müqaviləsi 30 iyun 2029-cu ilə qədərdir. Bu mövsüm yarımmüdafiəçi bütün yarışlarda 23 oyunda iştirak edib, beş qol vurub və dörd məhsuldar ötürmə edib.
Transfermarkt-ın məlumatına görə, Bellingemin hazırkı bazar dəyəri 160 milyon avrodur.
