Lent.az
"Liverpul" hücumameyilli yarımmüdafiəçi Florian Virtz üçün "Bayer"ə 130 milyon avro dəyərində təkmilləşdirilmiş təklif göndərib.
Lent.az xəbər verir ki, bu, mersisaydlıların 22 yaşlı futbolçunun transferi üçün etdiyi ikinci təklifdir. Bu məbləğə sabit ödənişlərlə yanaşı, mümkün bonusların da daxil olduğu vurğulanır.
Ötən mövsüm Virtz bütün turnirlərdə 45 oyun keçirib, 16 qol vurub və 15 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub.Transfermarkt portalında verilən məlumata görə, futbolçunun bazar dəyəri 140 milyon avrodur.
