Sport24.az
"Liverpul" "Bayer"in müdafiəçisi Jeremi Frimpongu transfer etmək istəyir. Sport24.az xəbər verir ki, bu barədə insayder Fabrizio Romano sosial şəbəkə hesabında məlumat paylaşıb.
İngiltərə klubu futbolçu üçün qarşı tərəfə 40 milyon avro ödəməyə hazırdır. Bu məbləğ niderlandlının müqaviləsində sərbəst buraxılma maddəsi kimi nəzərdə tutulub.
"Qırmızılar" Niderland yığmasının 24 yaşlı oyunçusunu Trent Aleksandır-Arnoldun əvəzləyəcisi kimi görür.
Qeyd edək ki, Frimponq bu mövsüm bütün turnirlərdə 47 oyun keçirib, 4 qol vurub və 12 məhsuldar ötürmə edib.
