Sport24.az
"Liverpul" "İnter"in mərkəz müdafiəçisi Alessandro Bastoni ilə ciddi maraqlanır. Sport24.az xəbər verir ki, bu barədə "Il Giorno" portalı məlumat yayıb.
Mənbənin sözlərinə görə, ingilis klubu 26 yaşlı italyan oyunçu üçün 100 milyon avrodan çox pul ödəməyə hazırdır. Lakin milanlılar əsas futbolçularından biri ilə vidalaşmağa tələsmirlər. Bastoninin klubla hazırkı müqaviləsi 2028-ci ilin yayında başa çatır.
Qeyd edək ki, Bastoni 2017-ci ilin avqustunda 31 milyon avroya "Atalanta"dan "İnter"ə keçib. Bu mövsüm o, klubun heyətində 12 oyunda 1 qol vurub və 3 məhsuldar ötürmə edib.
