Idman.biz
"Liverpul" "Austriya"nın 17 yaşlı mərkəz müdafiəçisi İfeanyi Ndukve ilə müqavilə imzalamaq barədə razılığa gəlib.
İdman.Biz-in xəbərinə görə, jurnalist Fabrizio Romano bu barədə özünün X sosial media səhifəsində məlumat verib.
Mənbənin məlumatına görə, Avstriya klubu oyunçunun 2026-cı ilin iyul ayından etibarən qüvvədə olan transfer təklifini qəbul edib. Ndukve özü də mersisaydlılara qoşulmağa razılıq verib.
Bu mövsüm müdafiəçi bütün gənclər yarışlarında səkkiz oyunda meydana çıxıb və bir məhsuldar ötürmə edib. Onun klubla hazırkı müqaviləsi 2028-ci ilin yayına qədərdir. Transfermarkt portalındakı məlumata görə, onun bazar dəyəri 1 milyon avrodur.
