Sport24.az
"Liverpul" "Nyukasl"ın mərkəz hücumçusu Aleksandere İsakın transferində maraqlıdır. Sport24.az xəbər verir ki, bu barədə insayder Nikolo Skira X sosial şəbəkəsində paylaşım edib.
Mənbənin sözlərinə görə, hazırkı mərhələdə "sağsağanlar" 25 yaşlı forvardı satmaqdan imtina edirlər. İsak 2022-ci ilin avqustundan "Nyukasl"ın formasını geyinir. Hücumçu ötən mövsüm bütün turnirlərdə 42 oyun keçirib, 27 qol vurub və 6 məhsuldar ötürmə edib.
Qeyd edək ki, isveçlinin klubla hazırkı müqaviləsi 2028-ci ilin iyununda başa çatır. "Transfermarkt" portalı İsakın transfer dəyərini 120 milyon avro qiymətləndirir.
