Idman.biz
Fransa Liqa 1 mövsümünün 23-cü turunun PSJ və "Mets" arasında keçirilən oyun başa çatıb. Oyun "Park de Prens" stadionunda (Paris, Fransa) baş tutub. Meydan sahibləri 3:0 hesablı qələbə qazanıblar.
PSJ-nin hücumçusu Desire Due matçın ilk qolunu üçüncü dəqiqədə vurub. Artırılmış vaxtda Bredli Barkola meydan sahiblərinin üstünlüyünü ikiqat artırıb. 77-ci dəqiqədə Qonsalo Ramos qonaqların qapısınaı üçüncü qolu vuraraq hesabı 3:0 edib.
Fransa liqasında 23 oyundan sonra PSJ-nin 54 xalı var və turnir cədvəlinə başçılıq edir. "Mets" 13 xalla sonuncu, 18-ci yerdədir.
Turun digər oyununda "Tuluza" "Paris"lə heç-heçə edib – 1:1.
22:06
Fransa Liqa 1-in 23-cü turunun "Lans" və "Monako" komandaları arasında keçirilən oyun başa çatıb.
İdman.Biz xəbər verir ki, matç "Stad Bollaert-Delelis"də (Lans, Fransa) baş tutub. Qonaq komanda 3:2 hesablı qələbəni qeyd edib.
"Lans"ın hücumçusu Odson Eduard matçın ilk qolunu üçüncü dəqiqədə vurub. 56-cı dəqiqədə hücumçu Florian Toven ev sahibi komandanın üstünlüyünü ikiqat artırıb. 62-ci dəqiqədə "Monako"nun yarımmüdafiəçisi Folarin Baloqun cavab qolunu vurub, səkkiz dəqiqə sonra Denis Zakaria hesabı bərabərləşdirib. İki dəqiqə sonra Ansu Fati "Lans"ın qapısına üçüncü qolu vurub və hesabı 3:2 edib.
Fransa liqasında 23 oyundan sonra "Lans" 52 xalla turnir cədvəlinə başçılıq edir. "Monako" 34 xalla altıncı yerdədir.
