Idman.biz
Fransa Liqa 1 mövsümünün 18-ci turunun "Anje" və "Marsel" komandaları arasında keçirilən oyun başa çatıb.
İdman.Biz bildirir ki, matç Anje şəhərindəki "Raymond Kopa" stadionunda oynanılıb. Qarşılaşma 5:2 hesabı ilə qonaqların xeyrinə başa çatıb.
"Marsel"in hücumçusu Amine Quiri 19-cu dəqiqədə hesabı açıb. Beş dəqiqə sonra yarımmüdafiəçi Meyson Qrinvud fərqi ikiqat artırıb. 34-cü dəqiqədə "Marsel"in yarımmüdafiəçisi Hamed Junior Traore üçüncü qolu vurub. Hücumçu Timoti Vea 40-cı dəqiqədə hesabı 4:0 edbi. 45+2-də "Anje"nin hücumçusu Məhəmməd Amin Sbai bir qolun əvəzini çıxıb. "Marsel"in hücumçusu İqor Paişao 88-ci dəqiqədə "Anje"nin qapısına beşinci qolu vurub. 90+2-də ev sahiblərinin hücumçu Cim Allevina komandasının ikinci qolunu vurub.
00:19
Fransa çempionatının 18-ci turunun "Tuluza" və "Nitsa" komandaları arasında keçirilən oyun başa çatıb.
İdman.Biz bildirir ki, oyun Tuluzadakı "Stade Toulouse" stadionunda baş tutub.
Matç 5:1 hesabı ilə ev sahibi komandanın xeyrinə qurtarıb.
Hesabı yeddinci dəqiqədə "Tuluza"nın hücumçusu Santyaqo Massa açıb. Hücumçu Frank Magri 45-ci dəqiqədə ev sahibi komandanın üstünlüyünü ikiqat artırıb. "Nitsa"nın hücumçusu Elli Vai 49-cu dəqiqədə fərqi azaldıb. Santyaqo Massa 55-ci dəqiqədə ikinci qolunu vurub. "Tuluza"nın yarımmüdafiəçisi Kristian Kasseres 74-cü dəqiqədə komandasının dördüncü qolunu vurub. Altı dəqiqə sonra hücumçu Xulian Vinyolo ev sahibi komandanın beşinci qolunu vurub.
Turun digər oyununda "Lans" "Oser"ə qalib gəlib - 1:0.
