Lent.az
38 yaşlı argentinalı hücumçu və "İnter Mayami"nin kapitanı Lionel Messi aldığı zədədən sağalıb.
Lent.az xəbər verir ki, bu barədə komandanın baş məşqçisi Xavyer Maskerano bildirib.
Qeyd olunub ki, futbolçu Floridanın ev oyununda MLS-in müntəzəm çempionatı çərçivəsində "Los-Anceles Qalaksi"yə qarşı keçiriləcək qarşılaşmada iştirak edə biləcək. Oyunun Mayaminin ətrafındakı Fort-Loderdeyl şəhərində avqustun 16-dan 17-nə keçən gecə baş tutacaq.
Lionel Messi avqustun 2-dən 3-nə keçən gecə Liqa Kubokunun 2-ci turunda Meksikanın "Nekaksa" klubu ilə baş tutan oyundan (2:2, penaltilərlə 5:4) bəri meydana çıxmayıb. Həmin qarşılaşmada argentinalı futbolçu aldığı zədə səbəbindən 11-ci dəqiqədə əvəzlənmişdi.
