Sport24.az
Argentina yığmasının kapitanı Lionel Messi DÇ-2026-nın seçmə mərhələsi çərçivəsində dünən keçirilən Venesuela millisi ilə matçda (1:1) meydanın durumu haqda danışıb. Sport24.az "Reuters"-ə istinadən xəbər verir ki, argentinalı futbolçu bunun iyrənc matç olduğunu bildirib:
"Bu, iyrənc oyun idi. Ardıcıl iki ötürmə belə edə bilmədik, meydanda su olduğundan, top dayanırdı. Belə şəraitdə oynamaq çətindir".
Qeyd edək ki, oyun yarım saatlıq gecikmə ilə başlayıb: "Monumental de Maturin" stadionunun ot örtüyü yararsız vəziyyətdə olub. Matçdan bir neçə saat əvvəl bölgəyə yağan güclü yağışdan sonra meydançanı su basıb.
