Sport24.az
"İnter Mayami"nin ulduz hücumçusu Lionel Messi klubun sahibi Devid Bekhemdən komandaya daha bir tanınmış oyunçu almasını istəyib. Sport24.az xəbər verir ki, bu barədə "El Nacional" portalı məlumat yayıb.
"Qızıl top"un səkkizqat qalibi Pol Poqba ilə komanda yoldaşı olmaq istədiyini ingilisin diqqətinə çatdırıb.
Poqba dopinqə görə diskvalifikasiya olunduqdan sonra azad agentdir. "İnter Mayami" fransızı transfer etməyi düşünür. Florida klubu yarımmüdafiəçini heyətinə qatmaq yönündə əsas favorit hesab olunur.
Qeyd edək ki, bir müddət əvvəl mətbuatda Poqbanın "Nyu York Siti" ilə oyunda "İnter Mayami"nin prezidenti Devid Bekhemlə görüşdüyü barədə xəbərlər yayılmışdır.
