Sport24.az
ABŞ "İnter Mayami"sinin və Argentina millisinin hücumçusu Lionel Messi DÇ-2026-nın Cənubi Amerika üzrə seçmə mərhələsində qarşılaşdıqları Paraqvay ilə matçın baş hakimini təhqir edib. Sport24.az "RMC Sport"a istinadən xəbər verir ki, rəqib futbolçunun kobud oyunundan sonra argentinalı ulduz onu meydandan qovmadığına görə baş hakim Anderson Daronkonu təhqir edib.
Messi hakimə özünü biabır etdiyini və ondan xoşu gəlmədiyini deyib.
Qeyd edək ki, görüş Paraqvay yığmasının 2:1 hesablı qələbəsi ilə başa çatıb. 11 turdan sonra Argentina 22 xalla turnir cədvəlində ilk pillədədir. Paraqvay yığması isə 16 xalla altıncıdır.
