Idman.biz
"İnter Mayami"nin hücumçusu Lionel Messiyə şəhər meri Fransis Suaresin qatıldığı mərasimdə Mayaminin açarı təqdim edilib.
İdman.Biz-in xəbərinə görə, şəhərin açarının təqdim edilməsi şəhərin inkişafına verdiyi əhəmiyyətli töhfələrə görə ictimai tanınmanı təmsil edir.
"Təşəkkür edirəm, bu, mənim böyük şərəfdir. Hiss edirik ki, burada bizi sevirlər və buna görə minnətdarıq. Bu şəhərdə yaşamaqdan məmnunuq. Belə bir ehtirama layiq görülmək böyük şərəfdir, ona görə də təşəkkür edirəm", - ESPN Messinin mərasimdə dediyi sözlərdən sitat gətirib.
Argentinalı hücumçu 2023-cü ilin yayından bəri "İnter Mayami"də oynayır. Bu müddət ərzində Messi bütün yarışlarda 84 oyunda meydana çıxıb, 74 qol vurub və 37 məhsuldar ötürmə edib. Onun klubla hazırkı müqaviləsi 2028-ci ilin sonuna qədərdir.
