Idman.biz
Argentina millisinin kapitanı Lionel Messi 2026-cı il dünya çempionatının seçmə mərhələsinin 17-ci turunda Venesuelaya qarşı keçirilən (3:0) oyundan sonra gələcəklə bağlı fikirlərini bölüşüb.
İdman.biz xəbər verir ki, forvard karyerasını başa vurmaq istəmədiyini, lakin bu anın yaxın olduğunu anlaydığını deyib: "İstəmirəm ki, bu, başa çatsın, amma anlayıram ki, o an yaxınlaşır. Bu, nə vaxtsa qaçılmaz olacaq. Hələlik isə hər şey addım-addım gedir, mən bu günü yaşayıram".
Ulduz futbolçu əlavə edib ki, ili uğurla başa vurmaq və yaxşı bir mövsümöncəsi hazırlıq keçirmək arzusundadır. O, Venesuela ilə görüşün onun üçün xüsusi əhəmiyyət daşıdığını da qeyd edib: "Başlanğıcda çox həyəcanlı idim - himn, övladlarım… Beynimdən saysız-hesabsız fikirlər keçdi. Bu, çox gözəl və xüsusi bir gün idi".
Qeyd edək ki, daha əvvəl Venesuela ilə matçın Messinin milli komandadakı son oyunu ola biləcəyi barədə məlumat yayılmışdı.
İdman.biz
