Idman.biz
Argentina millisinin hücumçusu Lionel Messi 2030-cu il futbol üzrə dünya çempionatında mümkün iştirakı barədə yenidən danışıb.
İdman.Biz xəbər verir ki, son bir il ərzində futbolçuya karyerasını nə vaxt başa vuracağı və DÇ-2026-dan sonra da milli komandada çıxış edib-etməyəcəyi ilə bağlı suallar mütəmadi olaraq ünvanlanıb.
Təxminən bir həftə əvvəl DÇ-2030 barədə danışan Messi bu ehtimalı qəti şəkildə rədd etmişdi:
"Xeyr, xeyr, qətiyyən yox".
Lakin hazırkı dünya çempionatında argentinalı parlaq oyun nümayiş etdirir və iki matçda artıq beş qola imza atıb. Bundan sonra iyunun 24-də Telefe kanalının jurnalisti Messidən milli komandadakı gələcəyi barədə yenidən soruşub.
Bu dəfə dünya çempionu 43 yaşında DÇ-2030-da çıxış etmək ehtimalını tam istisna etməyib.
