Idman.biz
Pəncərədən yıxılan "CSKA Moskva"nın keçmiş futbolçusu Lionel Adamsın anası oğlunun qətlə yetirildiyinə əmindir.
İdman.Biz xəbər verir ki, Adams Moskva ətrafında hündürmərtəbəli binanın pəncərəsindən yıxılaraq ölüb.
Dostları gəncin cavabsız sevgi üzündən intihar etdiyini iddia edirlər.
Anasının bildirdiyinə görə, Lionelin sevgilisi olmayıb. Onlar sonuncu dəfə Yeni ildən əvvəl danışıblar. Bir gün əvvəl Adams anasına zəng etməyə çalışıb, amma anası cavab verməyib. Anası cavab zəngi edəndə isə oğlu reaksiya verməyib.
Dekabr ayında anası xəstəxanada güllə yarası aldığı üçün müalicə olunan oğlunu ziyarət etməyə çalışıb. Lakin həkimlər Lionelin xəstəxanadan xəbərdarlıq etmədən çıxdığını bildiriblər. Ötən ilin dekabr ayında futbolçuya hücum edilib və sonradan güllə yarası ilə xəstəxanaya yerləşdirilib.
23:09
"CSKA Moskva"nın keçmiş futbolçusu Lionel Adams Moskva ətrafında hündürmərtəbəli binanın pəncərəsindən yıxılaraq ölüb.
İdman.Biz-in "Mash" teleqram kanalına istinadən verdiyi məlumata görə, 31 yaşlı oyunçu təcili yardım işçiləri gələnə qədər keçinib.
Adamsın faciə zamanı Yaltanın "Rubin" klubunun keçmiş futbolçusu Timur Maqomedovun evində qonaq olduğu bildirilir. Daha əvvəl bildirilmişdi ki, dekabr ayında idmançılar Moskva vilayətinin Zveniqorod şəhərində münaqişəyə cəlb olunublar. Bu münaqişə zamanı onlar döyülüblər. Adams münaqişə zamanı tapançadan açılan atəş nəticəsində yaralanıb.
Lionel Adams "CSKA Moskva"nın gənclər komandasında, "Yenisey Krasnoyarsk", "KAMAZ" (Naberejnıe Çelnı), eləcə də Qazaxıstan, Belarus və İspaniya klublarında oynayıb. O, həmçinin Rusiyanın 18 yaşadək futbolçulardan ibarət milli komandasına da çağırılıb. O, son vaxtlar azad agent kimi fəaliyyət göstərirdi.
