Sport24.az
"Qarabağ"la matça çox yaxşı köklənmişik". Sport24.az xəbər verir ki, bunu "Qarabağ"ın Çempionlar Liqasının II təsnifat mərhələsində rəqibi olan "Linkoln"un futbolçusu Coe Martines deyib.
Cəbəllütariq təmsilçisinin 33 yaşlı ispaniyalı müdafiəçi "Qarabağ"la oynamağın çətin olduğunu da vurğulayıb: "Rəqibi öyrənmişik. Var qüvvəmizlə mübarizə aparmağa, güclü tərəflərimizdən maksimum yararlanmağa hazırıq. "Qarabağ" işlərimizi çətinləşdirəcək yüksək səviyyəli komandadır. Onlar topa sahib olmaqla matça nəzarət etməyə çalışacaqlar. Buna imkan verməmək üçün bacardığımızı meydanda qoymalıyıq".
Qeyd edək ki, "Linkoln" - "Qarabağ" matçı bu gün Bakı vaxtı ilə saat 20:00-da start götürəcək.
