Idman.biz
"Lill" klubu, Avropa Liqasının 4-cü turunun "Srvena Zvezda" və Liqa 1-in 12-ci turuunn "Strasburq" ilə matçlarında azarkeşlərinin təhqiramiz və irqçi davranışları ilə bağlı bəyanat yayıb.
İdman.Biz bildirir ki, hər iki oyun "Lill"in məğlubiyyəti ilə nəticələnib.
"Lill" futbol klubu ötən cümə axşamı və bazar günü Belqrad və Strasburqda keçirilən matçlar zamanı qonaq sektorunda müəyyən şəxslər tərəfindən törədilən qəbuledilməz davranışı, təhqiramiz ifadələri və irqçi təhqirləri ən sərt şəkildə pisləyir. Bu hərəkətlər qəbuledilməzdir və klubun daim dəstəklədiyi və təbliğ etdiyi dəyərlərə tamamilə ziddir.
Komanda tərəfindən hər cür ayrı-seçkiliyə qarşı mübarizə aparmaq üçün həyata keçirilən çoxsaylı maarifləndirmə və profilaktika təşəbbüslərinə baxmayaraq, bəzi şəxslər futbol atmosferini ələ keçirmək və nifrətlərini ifadə etmək üçün səfər oyunlarından qəsdən istifadə edirlər. Bu hadisələrdə iştirak edənlərin müəyyən edilməsi üçün proses davam edir və polisə bir neçə şikayət planlaşdırılır. "Lill" onları məhkəməyə vermək və müvafiq sanksiyalar tətbiq etmək niyyətindədir", - klubun rəsmi saytında dərc olunmuş bəyanatda deyilir.
